TURAN

Түркі әлемінің музыкалық бренді, түркі мәдениетінің елшілері - «TURAN» ансамблі кезекті дәріс-концертін ұсынады! Бұл концерт барысында өнерпаздар ансамбльдің ерекшеліктері, дәстүрлі киімдер, сондай-ақ қазақ халқының музыкалық аспаптарының шығу тарихы, олар туралы аңыз-мифтер мен жасалу тәсілдері жайлы әңгімелейді. Әрбір музыкалық шығармаға арнайы түсініктеме беріліп, оның мазмұны мен көркемдік мәні тереңірек ашылады. Сонымен қатар, орындаушылар көрерменмен тікелей байланыс орнатып, концерт бойы жеңіл әрі мерекелік көңіл күй сыйлайды.